Kirish so'zi
Toshkentdagi Koreya ta'lim markaziga tashrifingizni
chin dildan qutlaymiz!
Bizning Toshkentdagi Koreya ta'lim markazimiz 1992-yilda tashkil etilganidan buyon dunyoda Koreyaning nufuzini oshirish va uni tanitish yo'lida bor imkoniyatlarini ishga solib kelmoqda.
Markazimiz Koreya Respublikasi Ta'lim vazirligi tomonidan tayinlangan tayanch va markaziy ta'lim muassasasi bo'lib, u dunyodagi eng yirik miqyos va funksiyalarga ega. Biz O'zbekiston hamda Rossiya-MDH mintaqasida koreys tilini o'rgatish va ommalashtirish, koreys madaniyatini yoyish, xalqaro ta'lim hamkorligini faollashtirish, TOPIK (koreys tilini bilish darajasi testi) imtihonlarini o'tkazish hamda talabalarni Koreyada o'qishga jalb qilish kabi vazifalarni bajarib kelmoqdamiz. Shuningdek, markazimizning ilg'or tajribalarini boshqa Koreya ta'lim markazlariga ham tatbiq etish ustida ishlayapmiz.
Kelgusida ham Toshkentdagi Koreya ta'lim markazining barcha xodimlari Koreyaga qiziquvchi va ta'lim olishga ishtiyoqi baland bo'lgan har bir kishiga bilim olish va muloqot qilish imkoniyatini yaratish uchun bor kuchini safarbar etadi. Koreya va O'zbekiston, shuningdek, Rossiya-MDH mintaqasi o'rtasidagi ta'lim sohasidagi almashinuv va hamkorlikni mustahkamlashda "oltin ko'prik" vazifasini sodiqlik bilan bajaramiz. Sizlardan doimiy e'tibor va qo'llab-quvvatlashni so'rab qolamiz.
Rahmat.
Toshkentdagi Koreya ta'lim markazi jamoasi
